II. EDIZIOA

Erandio

Nerbioi Itsasadarraren bihotzean

Aurten, BBK Landa Eremu Art-en esperientzia Erandiora iritsi da sorkuntza artistiko kolektiborako proposamen berri batekin. Proiektuak auzokideak eta Pablo Astrain artista bildu ditu partaidetza-prozesu batean. Bertan, memoria kolektiboa ikusarazten duen mural bat garatu da, ingurunea artetik begiratzeko eta bizitzeko modu berriak aktibatzen dituena.

Lan kolektibo honen emaitza Tartanga kaleko 6. zenbakian ikus daiteke, Tartanga kalea eta Ibarra kalea lotzen dituen pasabidean. Esku askoren artean eraikitako lana da, non arte garaikidea zubi bihurtzen den lekuaren memoriaren, herritarren parte-hartzearen eta espazio publikoaren artean.

ARTISTA

Pablo Astrain

DONOSTIA 1986

Donostian jaioa eta Algortan hazia, Pablo Astrainek Arte Ederretako bere prestakuntza muralismoaren ikuspegiarekin konbinatzen du. Karrera Euskal Unibertsitate Publikoan egin ondoren, Berlingo HTWn burutu zituen ikasketak.

Bere lanek, paleta ilun bat eta pintzelkada solteak ezaugarri dituztenak, testuinguru narratibo baten barruko figurazioan sakontzen dute.

Bere arteak gizarte-egiturak aztertzeko hizkuntza osagarri gisa balio du, kaleko artearen nazioarteko eszenan aztarna bat utziz.

PROIEKTUAREN GARAPENA

Benetako gertakarietan oinarritua

Benetako gertakarietan oinarritua mural-proiektuak bisualki herriaren memoria jasotzen eta interpretatzen du, Erandioko ahotsetatik sortutako elementuen bitartez. Eguneroko espazio bat –Tartanga eta Ibarra kaleen arteko pasabidea– iraganaren, orainaren eta komunitatearen arteko topaleku sinboliko bihurtzen duen obra da.

Proiektua 2024ko urriaren 24an aurkeztu zen Erandion jendaurrean eta herritarrak bat egitera gonbidatuak izan ziren. Hortik aurrera, lau lan-saio antolatu ziren azaroan eta abenduan, Pablo Astrain artistak eta bertako partaideek osatutako talde eragile bat osatuz

Hasierako saio horietan udalerriko historia, oroitzapen eta erreferentzia kulturalak bildu ziren, muralari forma emateko ideien oinarri komuna sortuz. Prozesuak hausnarketa kolektiboko, marrazketako eta diseinuko uneak barne hartu zituen, entzuteko, parte hartzeko eta lankidetzan aritzeko giro batean.

Proiektuaren azken fasea –murala margotzea – 2025eko apirilaren 22an hasi eta maiatzaren 1ean amaitu zen, arte-sorkuntzatik haratago doan prozesua burutuz: esperientzia partekatua, parte-hartzailea eta lurraldean sakonki errotua.

Hilabeteko iraupena

Partehartzaile

+20

Istorio eta oroitzapen

Lan-saio

SORKUNTZA ARTISTIKOA

Murala

Benetako gertakarietan oinarritua murala ideia sinple bezain indartsu batetik abiatzen da: udalerriko benetako istorioak laburbilduko dituen eszena bat irudikatzea, pelikula bat balitz bezala, mahai bat ardatz narratibo eta sinboliko gisa hartuta.

Lan-saioetan tokiko istorioak biltzeko talde-lan bat egin zen –migrazio-kontakizunak, familia-oroitzapenak, eguneroko pasadizoak, ausardia-keinuak, landa-eremuarekiko loturak–, imaginario komun bat eraikitzen lagundu zutenak.

Kontakizunen artxibo horretatik abiatuta, herriaren nortasuna hobekien laburbiltzen zuten eta hizkuntza bisualera itzul zitezkeen istorioak aukeratu zituen taldeak. Erandioko kolore-paleta adierazgarri bat ere definitu zuten, eta behin betiko harresia ezagututa, obra zazpi binetadun storyboard zinematografiko bat balitz bezala egituratzeko ideia sortu zen, udalerriko auzo bakoitzeko bat.

Azken konposizioa argazki, bideo eta marrazkiekin egin zen, mahai baten inguruko eszena nagusi batetik abiatuta, elkarrizketaren, bereizmenaren eta komunitatearen sinboloa. Artistaren aitak berak zioen bezala: “Hemen gauza asko mahai inguruan konpontzen dira”.

Horrela eman zaio bizia lurraldearekin sakonki konektatuta dagoen eta parte-hartzaileen lankidetzatik, entzutetik eta inplikazio aktibotik eraikitako obrari. Benetako gertakarietan oinarritua , ez da soilik mural bat: esperientzia partekatu baten isla da, non belaunaldi desberdinek Erandiori buruzko begiradak bateratu zituzten, filtrorik eta bitartekaritzarik gabe, eta kolektiboari buruz hitz egiten duen obra bat sortu zuten, barru-barrutik eta egunerokotasunetik.

SORTZE- ETA PARTAIDETZA-PROZESUA

Lan-prozesuan zeharreko ibilbide bisuala.

Benetako gertakarietan oinarritua

ELKARLANEAN: